CEBU, Philippines - Gikatahong dili madayon ang pelikula nga paresan nila ni Vhong Navarro ug Ellen Adarna. Adunay laing movie project nga nag-atang kang Vhong apan dili si Ellen ang leading lady niini.
Maglisod og biya
Giklaro ni Empress nga maglisod siya og biya sa ABS-CBN gumikan kay sa maong network natawo ang iyang career. Una na nga giangkon sa aktres nga dunay laing network ang nitanyag kaniya. Na-expire na ang kontrata ni Empress sa maong istasyon ug ganahan siya mo-renew niini.
Vice nangabang og sinehan
Nangabang si Vice Ganda og sinehan sa miaging adlaw aron pagtan-aw sa pelikula nila ni Piolo Pascual ug Toni Gonzaga nga Starting Over Again. Giangkon ni Vice nga nakahilak gyud siya samtang nagtan-aw sa nahisgutang pelikula.
Third Eye malantawan na
Kalag ang role ni Camille Prats sa pelikulang Third Eye sa Regal Entertainment Inc. Naghinam-hinam na si Camille sa mahimong reaksyon sa mga tawo nga makalantaw sa maong pelikula. Ipasalida na kini sa mga sinehan sugod karong adlawa.
Iza sa It's Showtime
Wala pa'y ideya si Iza Calzado kung kanus-a siya kutob isip co-host sa It's Showtime . Nasayran nga temporaryong gipasulod si Iza sa maong noontime show gumikan kay kasamtangang mawala si Anne Curtis kinsa busy sa taping sa Dyesebel. Samtang ang laing host nga si Karylle, ma-busy na usab sa preparasyon sa umaabot nga kasal nila ni Yael Yuzon sunod buwan.
Target ni Mart
Gipangandoy ni Martin Escudero nga modala og title role. Usa sa iyang target mao ang Dolphy comedy classic nga Facifica Falaypay.
Gisuwerte dayon
Malipayon ang bag-ong talent sa Star Magic nga si Paolo Onesa gumikan kay nasulod dayon sa Top 10 sa music chart ang first single niya nga Lucky in Love.
Isabel sa MMK
Human sa paglugwa niya sa programang Banana Split ug ASAP, nitumaw karon ang taho nga malakip sa usa ka episode ang Kapuso actress nga si Isabel Oli sa programang Maalaala Mo Kaya sa ABS-CBN.
Pokwang ug Zanjoe mag-uban
Himoon sa San Franciso ang pelikula nila ni Zanjoe Marudo ug Pokwang nga kabahin sa promosyon sa The Filipino Channel. "Ang alam ko lang 60% English ang dialogue ko. Kaya, you know, I have to practice my English," nagkatawa nga gibutyag ni Pokwang.
Gerald wala mabalaka
Gitataw ni Gerald Anderson nga wala siya mabalaka sa intimate scenes sa umaabot nga pelikula nila ni Angelica Panganiban sa Star Cinema. Suma pa sa aktor nga dili kini mahimong isyu sa iyang uyab nga si Maja Salvador.
Daniel pang-MMK na!
Giangkon ni Direk Cathy Garcia-Molina nga maldita siya nga direktor sa pagsugod sa shooting sa serye nila ni Daniel Padilla ug Kathryn Bernardo nga Got To Believe. Ug nabatyagan niya nga mahilaw ang duha ka young stars kung maulawan kini sa set. Busa nakahuna-huna si Direk Cathy nga wagtangon na ang iyang pagminaldita nila ni Daniel ug Kathryn aron makatarong kini sa ilang trabaho. Sa katapusan, nadiskubre sa direktor nga dunay "dramatic sense" si Daniel ug mahimo na kini nga isal-ang sa MMK .
Marian mipika sa mga kritiko
Gipikhan ni Marian Rivera ang iyang mga kritiko nga padayon nga nangatake kaniya ug mao kini ang iyang mensahe," "Kung puro negative ang makikita mo sa ibang tao, kawawa ka naman."
Matteo panalipdan ni Sarah
Giingong gibarogan na gyud ni Sarah Geronimo ang tinagoang relasyon nila ni Matteo Guidecilli. Adunay mga hungihong nga kanunay nga depensahan ni Sarah si Matteo ngadto sa iyang mga ginikanan.
Hukom sa management
Gibutyag ni Joey de Leon nga desisyon sa management sa Eat Bulaga ang pagbalik ni Wally Bayola sa maong programa. Giingong igo na nga nangayo og sorry si Wally sa mga tawo. Kahinumduman nga naukay ang publiko sa miaging tuig sa dihang nikatap ang video scandal nila ni Yosh Rivera.
Pun-an ang anak
Target ni Judy Ann Santos nga mapun-an ang anak nila ni Ryan Agoncillo . Suma pa ni Juday nga usa kini sa plano nila ni Ryan karong tuiga ug ilang paninguhaon nga ila kining mabuhat.