Happy Sunday sa inyong tanan! Lain na pod nga Domingo para akong tubagon ang inyong mga pangutana bahin sa pagpa gwapa, panamit, pamatasan ug panglawas. Nanghinaot ko nga di kamo mapul-an sa pag-text sa inyong mga problema ug pagbasa niining akong lindog. Anah lang!
1. Hi Miss Anna! I’m Mario of Lapu Lapu City. Ask lang unta ko king unsaon pagwagtang sa mga dagko nga pores. Thanks
Hi Mario! Ang dagko nga pores maoy rason ngano oily imong skin ug dali ka magka bugas. Paggamit og usa ka egg white ug usa ka lemonsito. Isagol na sila ug e apply sa imong nawong hangtod mauga. Paabot og 5-7 minutes dayon waswasi og medyo init ngat ubig. Buhata kini ka usa sa usa ka semana.
2. Hi Ate Anna! I’m Jenny of Talamban. Ask unta ko og unsay maka pawala sa kunot dapit sa ako mata sa may kilid. Palihug tambagi ko Ms Anna. Thanks and God bless!
Hi Jenny! Kanang kunot imo gipasabot kay mao nay gitawag nga “wrinkles,†Ang wrinkles mogawas gyud na ilabina kung magkatiguwang ta. Pero pwede nimo kining likayan. Pwede kang mogamit og ice cube, imo kining ipahid sa imong nawong kada gabii. Unya gamit og extra virgin oil (coconut or olive, naa ni sa mga supermarket), ipahid sa area nga daghan og wrinkles. Buhata kini kada gabii usa ka ma tog.
3. Hi Ate Anna! I’m Gerald of Sogod. Ask lang unta ko kung unsay makapaputi sa ngipon kay bisag unsaon nako og toothbrush, dili man jud moputi. Palihug ko og tambag Ms Anna. Salamat!
Hi Gerald! Aniay tip nga makatabang og paputi sa imong ngipon. Pagpalit og baking soda powder. Pagsagol og tubig ug 1 tbsp sa baking soda, e mix kini hangtod mahimo og paste. Gamit ang cotton buds, pagkuha og gamay unya ipahid sa matag ngipon. Dayon panglimugmog og tubig. Kuhaa imong toothbrush, butangi na pod gamay sa imong baking soda mixture, saguli sa imong toothpaste unya pang tooth brush. Ipabilin kini sulod sa usa ka minute dayon panglimugmog na pod. Buhata kini 3-4 times a week.
4. Hi Miss Anna! Jen of Tres Labangon. Unsa diay gamiton para makabaga ug maka shiny sa buhok? Kana lang homemade para dali. Thank you!
Hi Jen! Para mas mobaga ug shiny imong buhok, pwede kang mogamit og itlog. Imo kining e apply sa imong buhok murag shampoo. Ipabilin sulod sa 5-10 mins dayon waswasi og medyo init nga tubig. Sundi dayon og shampoo. Pwede sad kang mogamit og gatas sa lubi. Palit og lubi nga kinagud na daan. Ang gatas/tono niini maoy imong gamiton. Imo kining pabukalan unya ibutang sa buhok ilabina sa anit. Ipabilin sulod sa pila ka minutos dayon waswasi.
5. Hi Ms Anna, I’m Clar from Liloan. Ask lang unta ko kung unsay tambal sa ilok nga lagum. Pls tambagi ko. Thanks and God bless!
Hi Clar! Ang pinaka epektibo gyud nga paputi sa ilok ug sa uban pang lagum-lagum sa lawas kay lemonsito. Imo lang kini ipahid kada adlaw, sa dili pa ka maligo. Medyo dugay gamay ang epekto pero mao kini pina ka barato ug pinaka epektibo nga solusyon.
Pangutana para kang Anna? I-text kana dungan sa imong ngalan ug address ngadto sa 0943-431-4567, sa dili pa ang 12 NOON karong adlawa, July 21. Kun mulapas na sa 12 noon, ayaw namo’g text, kay dili na na dawaton. (BANAT NEWS)