CEBU, Philippines - Mitala ra matud pa og P2.5 million ang first day gross sa Mamarazzi pagbukas niini niadtong milabay nga semana. Misaka kini ngadto sa P8 million sa ikaupat niini ka adlaw, suma pa ni direk Manny Valera ug gibalita sa www.stir.ph kagahapon. Ang Mamarazzi pelikula ni Eugene Dominggo sa Regal Films.
Dumot ang show
Ang pagpanluwa ni Bayani Agbayani og gatas ngadto kang Marian Rivera sa ilang eksena sa Show Me The Manny maoy rason sa lalis matud pa sa komedyante ni Dingdong Dantes, sa birthday party ni Ogie Alcasid niadtong Biyernes sa gabii. Niadto pa diay’ng Disyembre nahitabo ang maong eksena. Pero okay na sila.
Iza sagpaunon ni Katrina
“Koronang Papel” na ang title sa afternoon soap ni Iza Calzado sa GMA-7. Si Maryo J. de los Reyes ang director ug si Katrina Halili maoy kontrabida.
Zoren-Mina magpakasal na
Civil wedding ang ganahan ni Carmina Villarroel, inay kasal sa simbahan. Suma pa niya, gihikay na nila ang tanan, ug posibling karong tuiga sila makasal.
Mokabat na sa 11 ka tuig ang ilang relasyon ni Zoren nga nagbunga og kaluha.
Sugbuanon abogada ni Angelica
Ang Sugbuanon nga si Atty. Joji Alonzo maoy legal counsel ni Angelica Panganiban batok sa bahad ni Claudine Barreto nga ikiha niini ang sikat nga actress tungod sa matud pa makadaot nga istorya niini nga nakaapekto sa kaminyuon nila ni Raymart Santiago.