Inspeksyon sa mga pagawaan ng paputok, ikinasa!
BOCAUE, Bulacan, Philippines — Naglabas ng direktiba si Police Brig. Gen. Cezar Pasiwen, regional director ng Police Regional Office-3 (PRO3) para sa mahigpit na pag-iinspeksyon sa mga gumagawa at nagbebenta ng mga paputok sa lalawigang ito habang papalapit ang Kapaskuhan at pagsalubong ng Bagong Taon.
Inatasan ni Pasiwen ang mga police provincial at city directors sa Central Luzon na magsagawa ng mga inspeksyon sa mga pagawaan ng paputok partikular sa lalawigan ng Bulacan. Nais din nito na makipagkoordinasyon ang mga directors sa kanilang local government unit’s upang matiyak na ang mga pagawaan ng paputok sa kanilang area of responsbility ay may mga permit.
Matatandaan na kamakailan ay isang iligal na pagawaan ng paputok ang sumabog sa Sta. Maria, Bulacan.
Pinasisilip ni Pasiwen ang mga pagawaan ng firecrackers sa Bulacan at sa iba pang lalawigan sa rehiyon upang ‘di maulit ang nangyari sa Sta. Maria at para matiyak na walang illegal firecrackers na tinitinda ng mga dealers.
PInakukumpiska rin ng opisyal ang lahat ng mga illegal firecrackers sa mga dealers at tindahan.
- Latest