^

Probinsiya

Maguindanao at Antique magkasunod na nilindol

Angie dela Cruz - Pilipino Star Ngayon
Maguindanao at Antique magkasunod na nilindol
Ayon sa Phivolcs, ni­yugyog ng may 5.8 magnitude na lindol ang Maguindanao kahapon bandang alas-2:25 ng hapon.
Pixabay

MANILA, Philippines — Magkasunod na nakapagtala ang Philippine Institute of Volcanology and Seismology (Phivolcs) ng lindol sa mga lalawigan ng Maguindanao at Antique, kahapon.

Ayon sa Phivolcs, ni­yugyog ng may 5.8 magnitude na lindol ang Maguindanao kahapon bandang alas-2:25 ng hapon.

Ang sentro ng lindol ay nasa may 031 kilometro ng timog kanluran ng Datu Blah T. Sinsuat Maguindanao habang umaabot sa 001 kilometro ang lalim ng lupa ng lindol na tectonic ang pinagmulan

Bunga nito, naramdaman ang lakas ng lindol sa Intensity 5 sa Datu Blah Sinsuat, South Upi, at Upi, Maguindanao; Cotabato City; Espe­ranza, Lebak, Palimbang, Kalamansig, Sen. Ninoy Aquino, at Bagumbayan, Sultan Kudarat.

Intensity 4 sa  General Santos City; Zamboanga City; Pagadian City; Isabela City, Basilan; Antipas, Alamada, Tulunan, Pigcawayan, Kabacan, and Banisilan,
Cotabato; Koronadal City, Tupi, Polomolok, Santo Niño, Surallah, Tampakan at Banga, South Cotabato; Kiamba and Maitum, Sarangani; Lutayan at Isulan,
Sultan Kudarat; Datu Odin Sinsuat at Sultan Kudarat, Maguinda­nao; Intensity 3 naman sa Ozamiz City; M’lang, Makilala, at Tanta­ngan, Cotabato; Norala, South Cotabato; Pres. Quirino at Columbio, Sultan Kudarat; Maasim,
Sarangani; Pitogo and Labangan, Zamboanga del Sur; Liloy, Zamboanga del Norte; Siay, Zamboanga Sibugay

Tumama ang Intensity 2 sa Dipolog City; Cagayan de Oro City; Davao City; Kidapawan City; El Salvador City; Aleosan, Cotabato; Don Carlos, Cabang­lasan, and Valencia
City, Bukidnon; Malapatan at  Malungon, Sarangani; Lambayong, Sultan Kudarat; Leon B. Postigo, Siayan, Sinda­ngan, Gutalac, Tampilisan, Zamboanga del Norte; Ipil, Zamboanga Sibugay; Tubod, Lenamon, Balo-i, Kauswagan, Bacolod, Maigo, Lala, Kapatagan at Iligan City, Lanao del Norte, habang Intensity I  sa Dapitan City; Malitbog and Libona, Bukidnon; Initao, Misamis Oriental.

Bago ito, nakapagtala ang Phivolcs ng 5.1 magnitude na lindol sa Antique ng alas-12:25 ng hapon ng Sabado. Ang sentro nito ay nasa may 020  kilometro ng timog kanluran ng Anini-y Antique.

Umaabot naman sa 005 kilometro ang lalim ng lupa ng naturang lindol.

Bunga nito, naramdaman ang lakas ng lindol sa Intensity 4 sa Anini-y, Tobias Fornier, at San Jose de Buenavista, Antique, at Intensity 3 sa Belison, at Sibalom, Antique; Iloilo City .

Intensity 2 naman sa  Bugasong, Barbaza, at Patnongon, Antique.

Inaasahan na magkakaroon ng aftershocks ang naturang mga lindol pero wala namang ulat ng pinsala.

LINDOL

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with