3 preso pumuga sa Surigao District Jail
MANILA, Philippines — Isang manhunt operation ngayon ang isinasagawa ng mga awtoridad laban sa tatlong preso na tumakas mula sa Bureau of Jail Management and Penology (BJMP) facility Surigao del Sur, sa Cantilan District Jail kamakalawa.
Kinilala ang mga nakatakas na suspek na sina Renwood Baya, may kasong carnapping; Junmar Quezada, may kasong robbery; at Edgardo Pinoy Jr., na may kasong rape.
Ayon kay Col. Joseph Boquiren, Surigao del Sur Police Provincial Office (SDSPPO) director, nakaalerto na ang lokal na pamahalaan at city police station upang mahanap ang mga tumakas.
Iniimbestigahan na rin ang mga tauhan mg BJMP na umano’y posibleng nagpabaya sa kanilang tungkulin.
Ipinakalat na rin sa social media ang mga impormasyon at larawan ng mga suspek para ipaalam sa publiko at mapadali ang paghuli sa kanila.
- Latest