Mister kinatay ng 78-anyos sa kubo
CAVITE, Philippines — Tadtad ng saksak nang madiskubre ang katawan ng mister matapos umanong pagsasaksakin ng isang 78-anyos na lolo na kanyang kainuman sa tinutuluyang kubo, kahapon ng umaga sa bayan ng Silang, dito sa lalawigan.
Kinilala ng pulisya ang biktima na si Jeofrey Gane, 52-anyos, magsasaka at residente ng Purok 1, Brgy. Biga 1, Silang, Cavite.
Arestado naman ang suspek sa isinagawang follow-up operation ng pulisya na nakilalang si Anthony Madrid, residente sa nasabi ring lugar.
Sa imbestigasyon ni P/Cpl. Ramil Legaspi, alas-6:50 ng umaga nang makita ang biktima ng kapatid nito na si Aimer Rala Gane, 50-anyos, na naliligo sa sariling dugo na nakahandusay sa tinutuluyan nitong kubo.
Nabatid na bago ang insidente, nakipag-inuman ang biktima sa suspek sa mismong kubo nito na siyang hinihinalang may kagagawan sa krimen.
- Latest
