Mister pinatay sa harap ng misis
CAWAYAN, Masbate , Philippines — Duguang bumulagta sa kalsada ang isang 56-anyos na magsasaka matapos pagbabarilin sa harap ng kanyang asawa ng tatlong hindi nakilalang lalaki sa Purok-4, Brgy.Villahermosa ng bayang ito kamakalawa ng umaga.
Napuruhan ng punglo sa iba’t ibang bahagi ng katawan ang biktimang si Conrado Veraces Pitogo at agad nasawi habang hindi sinaktan o idinamay ang misis nito na si Vicenta ng tatlong salarin na agad tumakas matapos ang pamamaril.
Sa ulat, dakong alas-9:10 ng umaga sakay ng motorsiklo ang mag-asawa patungo sana sa Brgy. Divisoria ng nasabing bayan at binabagtas ang kahabaan ng highway nang parahin sila sa gitna ng kalsada ng tatlong armadong suspek.
Pagtigil ng mag-asawa, walang kaabog-abog na pinagbabaril ang mister sanhi ng agaran nitong pagkasawi.
- Latest