BAYOMBONG, Nueva Vizcaya, Philippines — Bumagsak na sa kamay ng batas ang magkapatid na kapwa top most wanted matapos madakip ng mga otoridad sa bayan ng Aurora, Isabela kamakalawa.
Kinilala ang magkapatid na sina Dexter Gregorio at Eduardo Gregorio, kapwa residente ng Barangay. 4, San Mateo, Isabela na tinaguriang number 1 at no.2 most wanted sa municipal level dahil sa kasong pagpatay.
Sa ulat, nilusob ng mga otoridad ang pinagtataguan ng magkapatid sa Maddela, Quirino para isilibi ang warrant of arrest na ipinalabas ni Judge Bernabe Mendoza ng RTC Branch 23 Roxas, Isabela.
Hindi na pumalag ang magkapatid at mapayapang sumuko sa mga otoridad.
Walang inirekomendang piyansa ang korte para sa pansamantalang kalayaan ng magkapatid.