KORONADAL CITY, South Cotabato, Philippines — Patay ang isang estudyante matapos barilin ng caretaker dahil sa pagnanakaw nito ng kambing sa binabantayan nitong goat farm sa Barangay Concepcion.
Kinilala ni Koronadal City PNP Chief Investigator Police Lieutenant Reynaldo Sotelo ang nasawing suspek na si Dexter Dela Cruz, 21,at nakatira sa Norala, South Cotabato.
Batay sa ulat, alas-2:00 ng hapon ay naaktuhan umano ng caretaker na si Jimmy Villa,52 ang suspek na ninanakaw nito ang kambing na kanyang binabantayan sa Bueno goat farm sa Barangay Concepcion.
Nag-warning shot umano si Villa at sa halip na tumigil ay tumakbo pa rin ito at dalawang kasama tangay ang ninakaw na kambing kaya binaril na ito ni Villa.
Si Dela Cruz ay nagtamo ng matinding tama ng bala ng baril sa tiyan na naging sanhi ng kanyang dagliang pagkasawi.Habang nakatakas naman ang dalawa nitong mga kasama.
Narekober ng mga pulis sa lugar ng pamamaril ang 12 gauge shot gun ng suspect na si Villa na inaresto ng mga otoridad.