Mister itinumba sa harap ng mosque
MANILA, Philippines — Pinagbabaril ang isang mister sa harapan ng isa sa kanyang mga misis pagkalabas nila sa isang mosque sa Brgy. Sas, Gutalac, Zamboanga del Norte nitong Martes ng gabi.
Agad nasawi sa lugar ang biktimang Emol Camontol, 57-anyos, residente ng Sitio Balatinaw, Malinaw, Gutalac, Zamboanga del Norte dahil sa mga tama ng bala mula sa ‘di pa batid na kalibre ng armas.
Sinabi ni Police Regional Office-9 Spokesman P/Captain Edwin Duco, alas-6 ng gabi, katatapos lamang magdasal ng biktima sa mosque kasama ang pangalawang asawang si Enang Camontol at paglabas nila sa simbahan ng mga kapatid na Muslim ay biglang sumulpot ang ‘di kilalang salarin.
Armado ng malakas na kalibre ng armas, pinagbabaril ng suspek ang biktima habang masuwerteng hindi tinamaan ng bala ang kasamang misis.
- Latest
