Drug den ni-raid ng PDEA: 20 nalambat
ANGELES CITY, Philippines - Arestado ang 20 katao matapos salakayin ng mga tauhan ng Philippine Drug Enforcement Agency (PDEA) sa Central Luzon ang tatlong sinasabing drug den sa Hadrian Extension Barangay Balibago, dito noong Biyernes ng hapon.
Sa ulat sa tanggapan ni PDEA Director Christian Frivaldo, kinilala ang mga suspek na sina Lowe Jornales (drug den Maintainer); Rubilyn Cuevas, 28; Albert Moscare,38; Mario Porceso, 41; MarvinHonra, 21; MJ Cabrera, 41; Jehru Aspiras, 25; Benmark Pagdayawon, 27; Erwin Estroso, 43; John Mark Julao, 23; John Derrick Perez, 26; Jeffrey Paguio, 34; Ardie Samson, 49; Romeo Guinto, 49; Maria Cabrera, 32; Rolando Jornales, 40; JeffreyClaridad, 30; Claudine Pangilinan, 25; Abelina Samson, 45; Jonard De guzman, 24, lahat ay residente sa naturang barangay.
Nasamsam sa operasyon ang nasa 130 gramo ng hinihinalang shabu na tinatayang nagkakahalaga ng P884,000, anim na plastic sachet ng marijuana at assorted drug paraphernalia.
Pasado-1:00 ng kahapon ng hapon nang iprisinta sa press briefing na pinangunahan ni PDEA Director General Wilkins Villanueva kasama ang Police Regional Office 3-Regional Drug Enforcement Unit (RDEU), SCU-RID3, at Regional Mobile Force Battalion (RMFB3) ang mga suspek at nasamsam na droga.
Isasailalim sa drug test ang mga naaresto at sasampahan ng kaso dahil sa paglabag sa Comprehensive Dangerous Drugs Act of 2002.
- Latest
