Mister pinatay ng misis dahil sa pera
Legazpi City, Albay, Philippines — Kamatayan ang sinapit ng isang 45-anyos na mister sa kamay ng kanyang 29-anyos na kabiyak matapos siyang saksakin nito makaraang mag-away, kamakalawa ng gabi sa kanilang bahay sa Purok-3, Brgy. Bulala, Sta. Elena, Camarines Norte, kamakalawa ng gabi.
Ang biktima na namatay habang nilalapatan ng lunas sa Rosary Virgin Mary Hospital ay nakilalang si Emmanuel Aquino Andes.Sumuko naman sa mga barangay official at dinala sa Sta. Elena Police ang misis nitong si Franz Gretchen.
Sa ulat, alas-8:45 ng gabi ay umuwing lasing ang biktima na kinompronta ng misis dahil sa problema sa pamilya at pera ay naglalasing pa ito na nauwi sa mainitang pagtatalo.
Sa gitna ng pagtatalo ay nakakuha ng kutsilyo ang misis at sinaksak sa kaliwang bahagi ng tiyan ang mister na agad bumulagta.
Agad na isinugod ng mga kaanak at kapitbahay sa ospital ang duguang biktima pero namatay habang nilalapatan ng lunas. Kasong parricide ang hinaharap ngayon ng miisi na nakakulong na sa police station.
- Latest
