4 Sayyaf dedo sa engkuwentro
NORTH COTABATO, Philippines — Apat na kilabot na miyembro ng Abu Sayyaf Group (ASG) na isinasangkot sa pangingidnap at kalakaran ng ilegal na droga ang napatay makaraang makaengkwentro ang militar sa Barangay Lakit-Lakit, Sapa-Sapa, Tawi-Tawi, Linggo ng umaga.
Kinilala ang mga napaslang na terorista na sina Oyong Maulana, Datu Solon Maulana, Rashida Maulana at Nhadz Omar habang isang sundalo ang nasugatan sa sagupaan.
Sa ulat na nakarating kay Brig. Gen. Camilo Balutan, pinuno ng Joint Task Force Tawi-Tawi, nagsimula ang bakbakan dakong alas-5:00 ng umaga habang nagsasagawa ng focused military operation ang pangkat ng Marine Battalion Landing Team-6 (MBLT-6) sa nasabing lugar.
Narekober sa encounter site ang mga armas, bala, dalawang plastic suspected shabu at mga drug paraphernalia.
Agad namang pinuri ni Lt. Gen. Cirilito Sobejana, hepe ng Western Mindanao Command (Westmincom) ang nasabing matagumpay na military operation.
- Latest