Bebot dedo sa ‘hit and run’
CAVITE, Philippines — Tumilapon at sumadsad sa kalsada na naging dahilan ng pagka-matay ng isang babae mula sa hindi nakilalang sasakyan na mabilis na tumakas matapos nitong mabundol ang biktima habang tumatawid sa kahabaan ng Molino Road, Bacoor City kahapon ng madaling araw.
Nakilala ang biktima na si Madonna Camula, nasa hustong gulang, residente ng Brgy. Molino ng nasabing lungsod.
Sa ulat ng pulisya, alas-5:27 ng madaling araw habang papatawid ang biktima sa pedestrian lane sa highway nang biglang araruhin ng ‘di namataang uri ng sasakyan.
Sa lakas ng impact, tumilapon ang biktima at sumadsad pa siya sa kalsada. Parang wala namang nangyari at dire-diretso sa pagmamaneho ang ‘di nakilalang driver at iniwan ng biktima.
Naitakbo pa sa Metro South Medical Center ng mga susmaklolo ang biktima subalit namatay rin.
- Latest
