TUGUEGARAO CITY, Cagayan, Philippines - Isang sundalo ng Philippine Army ang nasawi habang dalawa pa ang kritikal kasunod ng engkuwentro ng kanilang tropa sa hindi nabatid na bilang ng mga pinaniniwalaang rebeldeng New People’s Army (NPA) sa Barangay Villa Rey, Echague, Isabela noong Sabado.
Ang bakbakan ay nangyari sa kabila ng napipintong usapang pangkapayapaan na naudlot sa pagitan ng mga komunista at pamahalaan at ang nalalapit na foun-ding anniversary ng Communist Party of the Philippines (CPP) sa Disyembre 26.
Hindi muna binigay ni 5th Army Division Spokesman Major Noriel Tayaban ang pagkaka-kilanlan ng namatay at mga sugatang sundalo na miyembro ng 86th Infantry Battalion hangga’t hindi pa naipababatid ang kanilang sinapit sa mga kaanak.
Ayon kay Tayaban, nagtungo ang tropa sa lugar upang tugunan ang report ng pananatili ng mga armadong katao na nakasalubong nila sa daan sanhi ng engkuwentro.