PEÑARANDA, Nueva Ecija, Philippines — Isang 49-anyos na babae na sinasabing may sakit sa pag-iisip ang nagbigti sa loob ng kanilang bahay sa Brgy. Sto. Tomas sa bayang ito noong Biyernes ng hapon.
Kinilala ang nagpakamatay na si Elsa Dayao, 49, dalaga, isang seller ng beauty products. Ayon sa Peñaranda Police, bandang alas-3:45 ng hapon nang matagpuan ni Evelyn Dayao, 43, nakababatang kapatid ng biktima ang kanyang ate Elsa na nakabitin sa kahoy na biga ng kisame ng kanilang bahay.
Agad na humingi ng tulong si Evelyn sa mga kaanak at kapitbahay at unti-unting naibaba ang biktima na gumamit ng puting kumot sa kanyang pagpapakamatay. Wala umanong nakita ang pulisya at kaanak na may foul play sa insidente.