5-anyos napabayaan sa kotse, patay!
MANILA, Philippines — Patay na nang matagpuan ang isang 5-anyos na bata matapos na ma-suffocate sa isang pribadong sasakyan sa Barangay Tambler, General Santos City, kamakalawa.
Dead-on-arrival nang idating sa ospital ang 5-anyos na batang babae na hindi pa pinangalanan.
Ayon kay Dr. Jette Oco, city health officer ng nasabing lungsod, lumabas sa kanilang pagsusuri na namatay ang bata sa suffocation o nawalan ng hangin sa loob ng sasakyan na nakasarado ang buong pintuan nito.
Paniwala ng mga awtoridad, posibleng nakatulog ang bata sa loob ng sasakyan at ilang minuto ang nakalipas ay nawalan na siya ng hininga.
Inaalam pa kung sinadya na iwanan o nakalimutan lang ng mga magulang ang bata sa loob ng sasakyan.
Wala pang karagdagang ulat ang imbestigador ng Gensan Police sa insidente.
- Latest