MANILA, Philippines – Nagulantang ang mga residente makaraang matagpuan ang bangkay ng isang babae na lumulutang sa Taal Lake sa Brgy. Balakilong, Laurel, Batangas kamakalawa ng tanghali. Sa ulat ng Batangas Police, dakong alas-11:54 ng umaga nang matagpuan ang bangkay ng hindi pa nakilalang babae sa Taal Lake na nasasakupan ng nabanggit na lugar. Ang bangkay ng babae ay tinatayang nasa 25- 35 taong gulang kung saan nagsisimula na itong lumobo at maagnas. Ayon sa pulisya, ang bangkay ay nakasuot ng kulay puting t-shirt at asul na panty na may taas na 5’4 talampakan.