Sulu encounter: 3 Abu Sayyaf napatay
MANILA, Philippines — Tatlong miyembro ng mga bandidong Abu Sayyaf Group (ASG) ang napaslang sa patuloy na opensiba ng tropang gobyerno sa lalawigan ng Sulu kamakalawa.
Ayon kay Col. Gerry Besana, Spokesman ng AFP Western Mindanao Command, dakong alas-7:58 ng umaga nang makasagupa ng mga elemento ng Marine Battalion Landing Team (MBLT) 3 ang grupo ng mga bandido sa Simisa Island, Banguigui ng lalawigang ito na pinamumunuan ni Abu Sayyaf Sub-leader Najir Arik.
Nabatid na kasalukuyang nagsasagawa ng security operations ang tropa ng pamahalaan nang masabat ang grupo ni Arik na nauwi sa bakbakan.
Ang palitan ng putok ay tumagal nang limang minuto na nagresulta ng pagkamatay ng tatlong bandido habang masuwerte namang walang nasugatan sa panig ng tropa ng pamahalaan.
- Latest
