Rider salpok sa puno, patay

CAVITE  , Philippines  —  Patay matapos mapuruhan sa ulo ang isang binatang rider makaraang mawalan ng kontrol ang minamaneho nitong motorsiklo at sumalpok sa isang malaking puno kahapon ng madaling araw sa Tagaytay-Na­sugbu Road, Brgy. Neogan, Tagaytay City.  Kinilala ang biktima na si Jeremy Ervin Ramo­nes, 23- anyos, ng #32 Masigla St. Masikap Complex, Sta. Ana Pate­ros, Manila. 

Sa ulat ng pu­lisya, alas-5:45 ng madaling araw habang sakay ang biktima ng kanyang Honda Scoopie (ND 12148) at bumabagtas sa nasabing highway nang biglang mawala sa kontrol at gumewang-gewang. Dahil sa bilis ng takbo, dire-diretso ito sa kabilang lane ng kalsada at saka sumalpok sa ma­laking puno.