Board member, misis at konsehal huli sa P3-M shabu
MANILA, Philippines — Arestado ang tatlo katao kabilang na ang mataas na opisyal ng Lanao Del Sur at misis nito kasama ang isang konsehal ng Marawi City sa ikinasang anti-drug operations ng mga awtoridad sa Brgy. Tubod, Iligan City, Lanao Del Norte kahapon ng umaga.
Kinilala ng Philippine Drug Enforcement Agency (PDEA) ang inaresto na si Lanao del Sur Board Member Hussein Magandia sa pagsalakay sa bahay nito sa Iligan City, Miyerkules ng umaga.
Sinabi ni PDEA Region 10 Dir. Wilkins Villanueva na inaresto rin nila ang misis ni Magandia na si Norhainah at si Marawi City Councilor Amienquallied Dimal.
Aniya, isinilbi nila ang search warrant sa bahay ng mag-asawang Magandia sa Barangay Tubod bandang alas-5:30 ng madaling araw.
Sa paghalughog sa bahay, nadiskubre ang kalahating kilo ng shabu na nagkakahalaga ng P3.4 milyon at isang baril.
Ayon kay Villanueva, si Magandia ay miyembro ng “Iwaram Drug Group” na nagpapakalat ng shabu sa Marawi City, Lanao del Sur at Lanao del Norte.
- Latest