8-buwang sanggol lunod sa baha
MANILA, Philippines — Patay ang isang 8-buwang sanggol na babae makaraang malunod sa baha sa bakuran ng kanilang tahanan sanhi ng malalakas na pag-ulan na dulot ng superbagyong Ompong sa Pioduran, Albay nitong Biyernes ng umaga. Ang nasawing bata ay si Crissa Joy De Castro ng Brgy. 1, Pioduran. Sa ulat, bandang alas-5 ng umaga nang madiskubre ng mga magulang ng biktima na rumagasa ang tubig baha sa kanilang lugar kung saan baha ang paligid ng kanilang tahanan.
Laking gulat nila nang makitang wala sa kanyang higaan ang sanggol at nanlumo nang makitang lumulutang na ang bata sa kanilang bakuran. Hindi umano namalayan ng mag-asawa na rumagasa ang baha sa kanilang lugar dahilan sa kasarapan ng kanilang tulog. Naisugod pa ang sanggol sa pagamutan pero idineklarang dead-on-arrival. (with trainee Hermie Rivera)
- Latest
