MANILA, Philippines — Bumulagta ang isang sinasabing high value target drug personality na nasa listahan ni Pangulong Rodrigo Duterte matapos siyang ratratin ng isang ‘di pa natutukoy na riding-in-tandem habang sakay ng kanyang motorsiklo sa Barangay Nanguneg, Narvacan Ilocos Sur noong Huwebes.
Sanhi ng ilang tama ng punglo sa iba’t-ibang bahagi ng katawan, dead-on-the-spot si Abraham Cabuena, 49-anyos, taga-Barangay Cagayungan at isa sa mga nakisawsaw sa Oplan Tokhang noong 2016.
Ayon kay Chief Insp. Winnie De Vera, tagapagsalita ng Ilocos Sur PNP, dakong alas-10:00 ng umaga nang maganap ang pamamaslang kay Cabuena sa naturang lugar.
Pitong basyo ng bala ng kalibre.45 ang narekober ng SOCO sa crime scene.
Isa ang drug trade sa sinundang anggulo ng mga imbestigador bilang motibo sa krimen.