Lalaki hulog sa creek, utas
Cavite , Philippines — Halos hindi na makilala ang katawan ng isang lalaki na natagpuang nakahandusay sa batuhan ng isang ilog matapos na umano’y mahulog ito sa may creek at ilang araw pa bago natagpuan sa AUP Campus Riverbank, Brgy Puting Kahoy, Silang, Cavite.
Hanggang sa isinusulat ito ay hindi pa rin nakikilala ng pulisya ang biktima na nakalagak sa Melchingcuanco Funeral sa Silang.
Sa ulat ng pulisya, alas-5:30 ng madaling araw ng makatanggap sila ng tawag mula sa isang concern citizen sa nasabing lugar na may natagpuan ditong isang patay na lalaki.
Sa pagsisiyasat ng mga ito, halos hindi na makilala ang mukha ng biktima sanhi ng unti-unti na itong naagnas. Nabatid na may posibilidad na nahulog ang biktima sa nasabing creek at nalunod.
- Latest
