NORTH COTABATO , Philippines — Patay ang dalawang lalaki na magkapatid sa nangyaring aksidente sa Crossing Solomon, Purok Bonifacio, Barangay Panay sa bayan ng Sto. Niño, South Cotabato, kamakalawa ng umaga. Kinilala ang magkapatid na sina JV Aguilar, 21-anyos at Joshua Aguilar, 16-anyos. Sa ulat kay P/Inspector Diogenes Hare, officer-in-charge ng Sto. Niño Municipal Police Station, nakasakay sa topdown ang magkapatid na nag-overtake sa sasakyan na nasa kanilang unahan at nawalan ng kontrol kung saan sumalpok ito sa wing van truck na nasa kabilang lane.
Tumilapon ang magkapatid sa palayan na nasa gilid ng kalsada at agad binawian ng buhay dahil sa matitinding mga sugat na tinamo sa iba’t-ibang bahagi ng kanilang katawan.