MANILA, Philippines – Handa na ang mga awtoridad upang matiyak ang ligtas na Ati-Atihan Festival 2018 sa Linggo.
Nasa 1,418 na public safety personnel mula Philippine National Police, Armed Forces of the Philippines, Bureau of Fire Protection at medical team ang magbabantay sa taunang pagdiriwang sa Kalibo, Aklan.
“Police Regional Office 6 is very much ready and prepared to provide public safety and security throughout the duration of religious festival,” pahayag ni Regional Director Chief Superintendent Cesar Hawthorne Binag.
Kasabay ng kasiyahan ay pinag-iingat ng mga awtoridad ang publiko at hinikayat na isumbong sa kanila kung mayroon mang kahinahinala.
Ang tinaguriang “Mother of all Philippine Festivals” ay taunang ginagawa upang gunitain ang Santo Niño tuwing ikatlong Linggo ng Enero.
“We invite everybody to come and join the festivities in honor of Sr. Sto Niño, likewise, we appeal on public vigilance and cooperation,” sabi ni Binag.
Maaaring makipag-ugnayan sa PRO6 sa numerong 09083770187 at 09995880537.