Barangay chairman utas sa ambush

NORTH COTABATO , Philippines  —  Napaslang ang beteranong barangay chairman matapos itong pagbabarilin ng riding-in-tandem gunmen sa Barangay Looy, bayan South Upi, Maguindanao kamakalawa. Kinilala ng pulisya ang biktima na si Chairman Mamayog Datuwata ng Barangay Lamod sa nasabing bayan. Base sa police report, patungong barangay hall ang biktimang nagmomotorsiklo nang tambangan ng tandem assassins pagsapit sa nasabing lugar. Ayon sa pulisya, may posibilidad na may kinalaman sa kanyang trabaho bilang chairman ang isa sa motibo ng gunmen. Noong nakalipas na linggo, napatay din ang kapitan ng Barangay Montay sa bayan ng Datu Piang Maguindanao matapos itong pagbabarilin ng riding-in-tandem assassins.