CAVITE, Philippines - Patay ang 46-anyos na mister habang kritikal naman ang kanyang misis makaraang sumemplang ang kanilang motorsiklo sa pag-iwas sa asong tumawid sa kahabaan ng Aguinaldo Highway sa Barangay Pooc, bayan ng Silang, Cavite kamakalawa ng gabi. Kinilala ang namatay na si Renante Jalotjot habang kritikal naman ang misis nitong si Rosalina Jalotjot, 46, mga nakatira sa Lot 8 Block 16 Tieracon Subd., Barangay Dita, Sta. Rosa City, Laguna. Base sa police report na nakarating sa Camp Pantaleon Garcia, magkaangkas sa motorsiklo ang mag-asawa nang iwasan nito ang asong biglang tumawid kaya ito sumemplang at nagpagulung-gulong ang dalawa kung saan namatay ang mister.