TUGUEGARAO CITY, Cagayan, Philippines – Bulagta ang isang pulis habang kritikal naman ang kanyang misis at isa pa makaraang magsalpukan ang dalawang motorsiklo sa kahabaan ng highway sa Sitio Madangro sa Barangay 10 Parparoroc sa bayan ng Vintar Ilocos Norte kamakalawa ng hapon. Kinilala ni P/Chief Insp. Dexter Corpuz, tagapagsalita ng Ilocos Norte PNP ang namatay na pulis na si PO1 Denbert Madamba ng Vintar PNP Vintar . Habang kritikal na isinugod sa Gov. Roque Ablan Sr. Memorial Hospital ang misis nitong nurse na si Mariclaire Madamba at ang nakasalpukang driver ng motorsiklo na si Rex Sibbaluca. Sa lakas ng salpukan ay tumilapon at nagpagulung gulong ang mga biktima sa kahabaan ng kalsada kung saan ang kani-kanilang motorsiklo ay nawasak habang patuloy naman ang imbestigasyon.