CAVITE, Philippines - - Patay ang 19-anyos na estudyante hang siyam naman ang sugatan makaraagn magsalpukan ang SUV at pampasaherong jeepney sa kahabaan ng Aguinaldo Highway sa Barangay Anabu 2-A, Imus City, Cavite kahapon ng madaling araw. Kinilala ang namatay na estudyante na Anvil Velarde, driver ng Toyota RAV4 (21270) at nakatira sa Parañaque City habang sugatan naman ang sakay nitong si Jessie John De Jesus, 24. Samantala, isinugod din sa ospital ang driver ng pampasaherong jeepney (NWK-803) na si Manuel Bayno Jr., 43; at pitong pasahero. Sa inisyal na ulat ng pulisya, lumilitaw na biglang kumabig ang SUV ni Velarde kaya sumalpok sa kasalubong na jeepney. Lumalabas din sa imbestigasyon na sinasabing nangangamoy alak si Velarde na pinaniniwalaang nakainom kaya naganap ang sakuna.