Encounter: 2 holdaper bulagta
BULACAN , Philippines — Bulagta ang dalawa sa tatlong notoryus na holdaper matapos na makipagbarilan sa mga operatiba ng pulisya sa kaÂhabaan ng Gen. Alejo Santos Highway sa Brgy. Cambaog sa bayan ng Bustos, Bulacan kahapon.
Isa sa dalawang patay ay nakilalang si Eddie IgnaÂcio, 38, ng Brgy. Tabang sa bayan ng Plaridel, Bulacan habang wala namang mapagkakakilanlan sa kaÂsama nito na maputi, may bigote, balbas at may tattoo na Sputnik sa katawan.
Sa ulat ni P/Chief Insp. Arwin Tadeo, lumilitaw na bago maganap ang shootout ay hinoldap ng tatlo na lulan ng dalawang motorsiklo ang biktimang si Cesar Villanueva sa bahagi ng Brgy. Malamig.
Naipaabot naman sa pulisya ang naganap na insidente kaya inilatag ang follow-up operation hanggang sa mamataan ang tatlo na nauwi sa shootout kung saan isa sa holdaper ay nakatakas.
Narekober sa crime scene ang dalawang cal. 38 revolver, 2-sachet ng shabu, pitaka ni Villanueva at motorsiklo na walang plaka.
Natagpuan naman ang isa pang motorsiklo na inabandona ng mga holdaper sa bahagi ng Brgy. Culianin sa bayan ng Plaridel.Â
- Latest
