Bahay ng magsasaka ni-raid: Baril at mga bala nasamsam
CAVITE, Philippines — Nalambat ng pulisya ang isang 47-anyos na magsasaka at nahulihan ito ng Baril at iba’t ibang klase ng bala sa isinagawang Search Warrant operation kamakalawa ng gabi sa Brgy. Kaypaaba Gen. Emilio Aguinaldo Cavite.
Nahaharap sa patung-patong na kaso ang suspek na nakilalang si Felizardo Bendo Jr., 47-anyos, may asawa, magsasaka at residente ng Brgy. Kaypaaba, General Emilio Aguinaldo, Cavite.
Sa ulat, alas-9:30 ng gabi nang magkasa ng search warrant operation ang Gen. Emilio Aguinaldo Police laban sa suspek sa kasong paglabag sa RA 10591 o Illegal Possession of Firearms & Ammunition.
Naabutan ng grupo ang suspek sa bahay nito at nang halughugin ang kabahayan ay nakuha ang isang caliber 22 rifle, anim na bala ng cal. 22 at 47 bala ng cal. 45.
- Latest
