Heading mauudlot sa Taiwan?
MANILA, Philippines — Tila mauudlot ang paglalaro ni Gilas Pilipinas standout Jordan Heading sa T1 team Taichung sa Taipei, Taiwan.
Inihayag ng Taiwanese basketball club na magiging bahagi si Heading ng kanilang tropa noong Miyerkules.
Subalit posibleng hindi ito matuloy matapos umalma ang Samahang Basketbol ng Pilipinas (SBP).
Nakapirma sa isang kontrata si Heading sa SBP bilang bahagi ng Gilas Pilipinas hanggang sa 2023 sa ginanap na special draft noong Marso sa PBA Rookie Draft.
Kaya naman sumulat na ang SBP sa International Basketball Federation (FIBA) at sa Chinese Taipei Basketball Association para ipaalam na nakakontrata si Heading sa asosasyon.
“We have formally written FIBA and the Chinese Taipei Basketball Association in connection with the reported playing in Taiwan for the Taichung Suns of Mr. Jordan Timothy Heading and have informed them that Mr. Heading has a ‘live’ legal contract with SBP until March 2023,” ayon kay SBP executive director Sonny Barrios.
Nakasaad sa agreement ng SBP at PBA na lahat ng players na nasa Gilas Draft ay magiging bahagi ng programa ng national basketball team.
Naglaro na para sa Gilas si Heading sa 2021 FIBA Asia Cup Qualifiers sa Clark, Pampanga at sa FIBA OQT sa Belgrade, Serbia.
- Latest
