50-50 tsansa ng TNT laban sa Magnolia
PBA Philippine Cup Finals
MANILA, Philippines — Ito ang unang pagkakataon na maglalaban ang TNT Tropang Giga at Magnolia sa PBA Finals matapos noong 2014 Commissioner’s Cup.
Pinatumba ng San Mig Coffee (ngayon ay Magnolia) ang TNT patungo sa kanilang pagkopo sa PBA Grand Slam sa ilalim ni head coach Tim Cone.
Sinabi ni Tropang Giga mentor Chot Reyes na mabigat ding kalaban ang Hotshots ni coach Chito Victolero sa best-of-seven championship series ng 2021 PBA Philippine Cup matapos takasan ang San Miguel Beermen sa kanilang semifinals duel.
“There is still another huge mountain to climb that is playing very, very well,” wika ng eight-time champion coach na si Reyes. “While we are happy to win, we know that there is a huge, huge mountain to climb.”
Tinapos ng TNT ang San Miguel sa Game Seven habang pinatalsik ng Magnolia ang Meralco sa Game Six ng kani-kanilang semis wars para itakda ang titular showdown nila.
Ayon kay Reyes, 50-50 ang kanilang tsansa laban sa koponan ni Victolero.
“The fact that we are playing, we always have a 50-50 chance. That’s the same in the finals,” sabi ng 58-anyos na si Reyes sa Tropang Giga na natalo sa Ginebra Gin Kings sa nakaraang Finals ng All-Filipino noong 2020 sa Clark bubble
“Coach Chito (Victolero) has done an excellent job with his team. Right now, we just have to focus on what we need to do as a team,” dagdag pa nito.
Hangad naman ng 45-anyos na si Victolero na muling maibigay sa Hotshots ang kampeonato matapos noong 2018 PBA Governors Cup.
“We are happy lang na nandito kami sa finals. We will just try to prepare hard,” wika ni Victolero.
Tinalo ng TNT ang Magnolia, 83-76, sa kanilang unang paghaharap sa eliminasyon noong Setyembre 5.
- Latest
