Parañaque ikalimang pinakamayamang lungsod – DOF

MANILA, Philippines — Ang Parañaque ngayon ang ikalimang pinakama­yamang lungsod sa bansa, na kumikita ng P6.3 bilyon sa local revenue generation sa 2020, ayon sa ulat na inilabas ng Bureau of Local Government Finance (BLGF) ng Department of Finance, ngayong buwan.

Inilabas nitong Lunes ni Niño Raymond B. Alvina, executive director ng BLGF ang listahan ng mga national top 10 performing provinces, lungsod, at munisipalidad sa local revenue generation para sa taong 2020.

Sinabi ni Alvina na nalampasan ng Parañaque ang P 4.8 bilyong locally sourced revenue (LSR) collections noong 2019 ng P1.5 bilyon ngayong taon.

Ang tanggapan ng treasurer ng lungsod na pinamumunuan ni Dr. Anthony Pulmano ay lumampas ng 12.9 porsyento sa target na koleksyon ng buwis noong 2020, sa kabila ng pandemya ng coronavirus disease 2019 (COVID-19), ayon kay Alvina.

“Batay sa data na isinumite sa pamamagitan ng electronic statement ng mga resibo at paggasta sa hu­ling quarter ng 2020, ang taon-sa-taon na paglago ng mga lokal na pinagkukunan na kita ng Parañaque ay tumaas nang husto ng 12.9 porsyento,” sabi ng executive director.

Ang LSR ng Parañaque ay umabot sa P6.3 bilyon na kinabibilangan ng kabuuan ng mga buwis sa real property, buwis sa lokal na negosyo, pati na rin ang mga bayarin at singil at mga resibo mula sa mga pang-ekonomiyang negosyo.

Pinuri ni Parañaque City Mayor Edwin Olivarez si Pulmano sa paglampas sa target ng koleksyon sa 2020 at para sa mahusay na pagganap ng opisina sa pangongolekta ng buwis sa nakalipas na pitong taon.

Iniugnay ni Olivarez ang mataas na koleksyon ng kita sa mga inobasyon ng lungsod sa mga scheme ng pa­ngongolekta ng buwis, partikular na ang Onli Parañaque ika-5 pinakama­yamang lungsod.