‘Fully vaxxed muna, bago F2F classes’
MANILA, Philippines — Nais ng isang grupo ng mga magulang na tiya-king fully vaccinated muna laban sa COVID-19 ang mga mag-aaral bago tuluyang ipatupad ang full implementation ng face-to-face classes sa pasukan.
Kasunod ito ng anunsiyo ni Pang. Ferdinand ‘Bongbong’ Marcos, Jr. na target ng Department of Education (DepEd) na maipatupad na ang full face-to-face classes sa Nobyembre.
“Ito po kung as much as possible, 100 percent fully vaccinated ang mga bata. Kasi po etong nakaraang kwan eh 1 ½ months ng school year, eh pinagsabay po ‘yung non-vaccinated tsaka vaccinated na bata, pinapasok sa school,” ayon kay Lito Senieto ng National Parents-Teacher Association Federation.
“So as much as possible, by this November, meron na po tayong 100 percent fully vaccinated na teachers, as well as the administration, school administration school head, at saka mga estudyante,” aniya pa.
Dagdag pa ni Senieto, ang lahat ng mga paaralan ay dapat ding may mga klinika na may nakatalagang nurses, na maaaring tumulong sa mga estudyante na may sintomas ng COVID-19.
Sa kasalukuyan kasi aniya, ang nangyayari ay mayroon lamang na isang silid na itinatalaga bilang klinika, ngunit wala namang nakabantay na nurse, lalo na sa mga public schools.
Kawawa rito ay ang mga taga-baryo dahil ang mga taga-bayan ay mayroon namang rural health unit.
“At the most, kung pwede po sana, if we target it, at 100 percent, merong nurse sana at clinic sa bawat school,” aniya pa.
Sinabi pa ni Senieto na dapat ding panatilihin ang temperature-checking at handwashing stations sa mga paaralan para sa proteksiyon ng mga mag-aaral.
- Latest