Marcos busy agad sa unang araw sa Malacañang
MANILA, Philippines — Busy agad si Pangulong Ferdinand “Bongbong” Marcos Jr. sa unang araw niya sa Malacañang kung saan sunud-sunod na nag-courtesy calls sa kanya ang mga opisyal ng ibang bansa.
Kabilang sa mga bumisita kay Marcos ang vice president ng Socialist Republic ng Vietnam na si Thi Anh Xuan; Dato Seri Setia Haji Erywan Bin Pehin Datu Pekerma Jaya Haji Mohd Yusof, Second Minister of Foreign Affairs ng Brunei Darussalam; at Say Samal, Minister of Environment of the Kingdom of Cambodia; Dr. Raikumar Ranjan Singh, Minister of State for External Affairs and Member of Parliament of the Republic of India, at si Kweon Seong-Dong, Floor Leader, People Power Party ng Republic of Korea.
Bumisita rin kay Marcos sina Lao People’s Democratic Republic Deputy Foreign Minister Phoxay Khaykhamphithoune at Trade envoy ng United Kingdom Richard Graham Mp.
Samantala, pinangunahan din ni Marcos ang ika-75 anibersaryo ng Philippine Air Force sa Clark, Pampanga.
Nakasama ni Marcos sa okasyon si dating Pangulo at Pampanga Rep.Gloria Arroyo.
Bago pumunta sa Palasyo, dumalo si Marcos sa misa na pinangunahan ni Manila Archbishop Jose Cardinal Advincula sa San Miguel Parish Church sa loob ng compound ng Malacañang.
Dumalo rin sa misa si Vice President Sara Duterte-Carpio at iba pang opisyal ng BBM admin.
- Latest