Sacramento — Nagsumite si Jayson Tatum ng 36 points habang may 27 markers si Jaylen Brown sa 132-109 dominasyon ng Boston Celtics sa Kings.
Umiskor si Derrick White ng 20 points para sa Boston (50-23) na may one-game lead sa Philadelphia 76ers (48-23) sa Atlantic Division.
Binanderahan ni Domantas Sabonis ang Sacramento (43-29) sa kanyang triple-double na 16 points, 13 rebounds at 12 assists at may 18 mar-kers si De’Aaron Fox.
Matapos kunin ang 60-54 bentahe sa halftime lead ay umarangkada ang Celtics sa third period para iposte ang 14-point lead mula sa 3-pointer ni White.
Mula rito ay hindi na nagbanta pa ang Kings na naungusan ng Memphis Grizzlies (44-27) sa second place sa West Conference.
Sa New York, nagsalpak si Donovan Mitchell ng limang triples at tumapos na may 31 points para igiya ang Cleveland Cavaliers (46-26) sa 115-109 paggupo sa Brooklyn Nets (39-33).
Sa Los Angeles, tumipa si Shai Gilgeous-Alexander ng 31 points sa 101-100 paglusot ng Oklahoma City Thunder (36-36) sa Clippers (38-35).
Sa New Orleans, naglista si Brandon Ingram ng 32 points sa 119-84 pagdagit ng Pelicans (35-37) sa San Antonio Spurs (19-53).
Sa Atlanta, kumolekta si Trae Young ng 30 points at 12 assists sa 129-107 demolisyon ng Hawks (36-36) sa Detroit Pistons (16-57).