Sotto hindi isusuko ang kanyang NBA dream
MANILA, Philippines — Hindi pa rin iiwanan ni Kai Sotto ang pangarap na makapaglaro sa NBA.
Sa kanyang pag-alis sa Adelaide 36ers sa Australian NBL ay pansamantala siyang maglalaro para sa Hiroshima Dragonflies sa Japan B League.
Matapos ito ay sasalang naman ang 7-foot-2 Pinoy cager sa NBA Summer League kung saan siya maaaring mapili ng mga NBA teams.
Bigo ang 22-anyos na si Sotto na makuha sa nakaraang NBA Draft kung saan hinirang si Paolo Banchero bilang top pick.
Sa kanyang paglalaro para sa 36ers ay nagposte si Sotto ng mga averages na 7.1 points at 4.5 rebounds.
“A new opportunity for me is really good and another opportunity for me to play basketball, I’m excited,” sabi ni Sotto.
Naglaro si Sotto para sa Adelaide team ni coach CJ Burton simula noong 2021.
“It’s all about taking the next step for Kai and he will continue to grow as basketballer,” wika ni Bruton sa Pinoy giant.
Nasibak ang 36ers sa NBL season matapos matalo sa Melbourne United, 107-116.
“I am so grateful for the two unforgettable years in the city of Adelaide! It had its ups and downs, but I’m sure 36ers community will always be part of my life and I’ll miss this place,” ani Sotto sa nakatakda niyang paglalaro para sa Dragonflies sa B.League.
Sa Hiroshima team din nakita sa aksyon si dating La Salle Green Archers center Justine Baltazar.
Ngunit matapos ang dalawang buwan ay binitawan ng Dragonflies si Baltazar.
- Latest