Cruz kampeon sa Flexible Cup netfest

MANILA, Philippines — Nilampaso ni Kheith Rhynne Cruz ang kanyang mga nakatunggali upang tanghaling kampeon sa Women’s Open class ng 10th Flexible Cup International Table Tennis Championship na nilaro sa Robinsons Mall sa Novaliches, Quezon City, noong Linggo.

Kinalos ng 16-anyos at pambato ng Joola Philippines, na si Cruz si Malaysian netter Lee Xin Ni ng Gold Medal Malaysia squad, 2-1, para masilo ang korona.

“We’re really happy and proud with Kheith Rhynne performances throughout her young career since maisama namin siya sa TATAND program.” pahayag ni TATAND Honorary President Charlie Lim. “From being a struggling junior campaigner and now the country’s No.1 player at the young age of 16, she came along way.”

Hindi nasindak si Cruz sa mga nakatapat kahit ang iba ay mga miyembro ng Philippine Team.

Nasungkit ni National mainstay Rose Jean Fadol at Angel Joyce Laude ng De La Salle University ang runner-up honor sa torneo na nilahukan ng mahigit 200 players mula sa 30 koponan.

Kuminang naman si Dewa Prasetia ng Toto Pol-Chawi Fishing matapos angkinin ang titulo sa Men’s singles Open.