Braves nakatutok sa ika-2 leg crown
MANILA, Philippines — Kumpara sa ibang koponan, parehong line-up ang ipaparada ng Cavitex sa Leg 3 ng PBA 3x3 Season 2 First Conference ngayon sa Robinson’s Las Pinas.
Sina Jorey Napoles, Bong Galanza, Dominick Fajardo at Tzaddy Rangel ang muling babandera sa Braves na hangad ang ikalawang sunod na leg crown matapos maghari sa Leg 2.
Binasag ng Cavitex ang San Miguel sa finals ng Leg 2 para sa una nilang leg title.
Kasama ng Braves sa Pool A ang Pioneer Elastoseal Katibays at Terrafirma Dyip.
Ang Terrafirma ang unang makakalaban ng Braves sa itinakdang 12-game schedule sa pool play.
Nasa Pool B naman ang Beermen, Blackwater Red President at Ginebra Gin Kings, habang nasa Pool C ang Leg 1 winner na TNT Tropang Giga, Platinum Karaoke at NorthPort Batang Pier.
Ang Meralco Bolts, J&T Express at Purefoods Titans ang bumubuo sa Pool D.
- Latest
