MANILA, Philippines — Lalo pang nagpalakas ang Ateneo de Manila University matapos hugutin si Filipino-American point guard Kyle Gamber para sa darating na UAAP Season 85 men’s basketball tournament.
Nanggaling ang 6-foot-4 player mula sa Polytech High School sa Woodside, Delaware.
Ngunit hindi pa masisilayan si Gamber sa UAAP Season 85 dahil magsisimula siyang maglaro suot ang Blue Eagles jersey sa Season 86.
Mayroon siyang limang taong playing eligibility para sa Ateneo sa UAAP.
Impresibo ang rekord ni Gamber.
Mayroon siyang mga averages na 30 points, 5.0 rebounds, 1.5 assists, 2.0 steals at 0.5 blocks sa dalawang laro niya ngayong season.
At nais ni Gamber na dalhin ito sa kampo ng Blue Eagles.
Pinili ni Gamber ang Ateneo dahil naniniwala siya sa magandang pamamalakad ng unibersidad ukol sa academics at basketball program.
“I’ve always wanted to choose Ateneo as my school but talking to him made me further my interest because he just explained the environment, the people in Ateneo, and the basketball plan,” wika ni Gamber.
Kasalukuyang hawak ni dating Gilas Pilipinas head coach Tab Baldwin ang basketball program ng Blue Eagles.
“We’re super excited about getting the young man and joining a strong recruiting class. Hoping that we can carry on a very successful tradition and we certainly believe that we’ve built up the talent in our program,” ani Baldwin.
Umaasa si Gamber na makakaagapay agad siya sa sistema ng Blue Eagles at sa estilo ng Pinoy basketball sa UAAP.
“I just felt that it was the perfect fit for me and I’ll be able to fit into their system and play to the best of my ability,” dagdag ni Gamber.