NEW YORK — Pamumunuan ni Brooklyn Nets star Kevin Durant ang pagtatanggol ng Team USA sa titulo sa 2021 Olympic Games sa Tokyo, Japan.
Muling makakasama ni Durant sa ikatlong sunod na pagkakataon sa US Olympic squad si Golden State Warriors forward Draymond Green.
Kasama rin sa official lineup sina Damian Lillard ng Portland Trail Blazers, Bradley Beal ng Washington Wizards, Bam Adebayo ng Miami Heat, Jayson Tatum ng Boston Celtics at Kevin Love ng Cleveland Cavaliers.
Nasa grupo rin sina Milwaukee Bucks stars Khris Middleton at Jrue Holiday kasama si Devin Booker ng Phoenix Suns na kasalukuyang kumakampanya sa Western Conference Finals.
Nangako ring maglalaro para sa Olympic team sina Chicago Bulls guard Zach LaVine at Detroit Pistons forward Jerami Grant.
“Our staff feels this will be a very competitive group and we’ll have shooting that we’ve been lacking. We’re going to go into camp feeling confident we’re going to perform well,” wika ni USA Basketball managing director Jerry Colangelo.
Hindi naman maglalaro si Nets star James Harden bunga ng kanyang hamstring injury.