Kiyomi bigatin ang makakalaban sa Tokyo Games
MANILA, Philippines — Aminado ang Philippine Judo Federation (PJF) na mahihirapan si Fil-Japanese Kiyomi Watanabe na makapag-uwi ng medalya mula sa 2021 Olympic Games sa Tokyo, Japan.
Ito ay dahil sa bigating mga karibal ni Watanabe sa women’s -63-kilogram division, ayon kay PJF president David Carter.
Ilan rito ay sina World No.1 Clarisee Agbenenou ng France, 2016 Rio de Janeiro Olympics gold medalist Tina Trstenjak ng Slovenia, Miku Tashiro ng Japan at Olympics bronze medalist Sanne Vermeer ng Netherlands.
“Hopefully palarin. I know she will do her best. Iyong pinapakita niya sana galingan niya,” ani Carter sa four-time Southeast Asian Games gold medal winner na si Watanabe sa lingguhang TOPS Usapang Sports on Air.
Nabigyan ang 24-anyos na si Watanabe ng Olympic slot via continental quota sa women’s -63kg class base sa final at official qualification list na inilabas ng International Judo Federation (IJF).
Nakatakda ang 2021 Tokyo Olympics sa Hulyo 23 hanggang Agosto 8.
Si Kodo Nakano ang kumampanya para sa bansa noong 2016 Rio de Janeiro Olympics bilang kapalit ng umatras na si Alireza Khojasteh ng Iran sa men’s 66kg category.
- Latest
