MANILA, Philippines — Magiging tuluy-tuloy na ang paghahanda ng mga military athletes at coaches ng Team Philippines para sa 2021 Olympic Games at Southeast Asian Games.
Nilagdaan ng Philippine Sports Commission (PSC), Armed Forces of the Philippines (AFP), Philippine Olympic Committee (POC) at Philippine Paralympic Committee (PPC) ang Memorandum of Understanding para opisyal na ilagay ang nasabing mga military athletes at coaches sa detailed service.
Kasama sa 117 military athletes at coaches na binigyan ng detailed service sa PSC sina 2016 Rio de Janeiro Olympics silver medalist Hidilyn Diaz, lady boxer Josie Gabuco, rower Melcah Jen Caballero at cyclist Jermyn Prado.
Ang 58 sa 117 national athletes at coaches na mga enlisted military personnel ay nasa Philippine Air Force habang ang 40 at19 ay kabilang sa Philippine Navy at Philippine Army, ayon sa pagkakasunod.