Volleyball lineup inilabas na!
MANILA, Philippines — Isiniwalat na ng Philippine National Volleyball Federation (PNVF) ang national pool na sasabak sa international tournaments kabilang na ang 2021 Southeast Asian Games sa Hanoi, Vietnam sa Nobyembre.
Pasok ang lahat ng players sa women’s division na sumalang sa Subic tryouts noong Abril sa pangunguna ni middle blocker Jaja Santiago.
Kasama rin sina SEA Games veterans Aby Maraño, Majoy Baron, Eya Laure at Mylene Paat gayundin ang baguhang sina Iris Tolenada, Kamille Cal, Faith Nisperos, Ivy Lacsina, Mhicaela Belen, Dell Palomata, Ria Meneses, Imee Hernandez, Jennifer Nierva at Bernadette Pepito.
Ibabandera sa beach volleyball sina Sisi Rondina, Bernadeth Pons, Dzi Gervacio at Dij Rodriguez na mga nakasungkit ng tansong medalya noong 2019 SEA Games.
Sa men’s division, na-retain ang silver medal team sa SEA Games na sina Bryan Bagunas, Marck Espejo, Jessie Lopez, Ish Polvorosa, Josh Retamar, Mark Alfafara, Jao Umandal, John Vic de Guzman, Rex Intal, Kim Malabunga, Francis Saura, Jack Kalingking at Ricky Marcos.
Hindi pa naglalabas ng statement ang PNVF kung magkakaroon pa ito ng panibagong tryouts para sa mga hindi nakadalo sa unang tryouts partikular na ang ilang key players gaya nina Alyssa Valdez, Kalei Mau, Alohi Robins-Hardy, Kim Fajardo at Dindin Santiago-Manabat.
- Latest