Matapos angkinin ang unang pro singles crown
MANILA, Philippines — Mismong si tennis legend Rafael Nadal ang nagdiwang sa pagkopo ni Pinay tennis sensation Alex Eala sa kanyang kauna-unahang women’s professional singles crown.
“Congratulations Alex Eala for this important moment in your career. We are all very happy for you! Keep up the good work and attitude,” sabi ng Association of Tennis Professionals (ATP) World No. 2 at dating five-time World No. 1 player sa panalo ng kanyang iskolar.
“Vamos! Congrats! Very happy for you,” dagdag pa ng 34-anyos na 20-time Grand Slam champion.
Bumawi ang 15-anyos na si Eala mula sa first-set loss para balikan si Yvonne Cavalle-Reimers, 5-7, 6-1, 6-2, at sikwatin ang titulo ng ITF Rafa Nadal Academy World Tennis Tour tournament sa Manacor, Spain.
Ito ang unang titulo ng ITF Juniors World No. 3 ranked player sa isang professional women’s singles tournament.