MANILA, Philippines — Walang tigil sa workout si Barangay Ginebra star Scottie Thompson kahit pa nasa loob ito ng PBA Season 45 Philippine Cup bubble sa Clark, Pampanga.
Kundisyon na kundisyon ang katawan ni Thompson na resulta ng pagsisikap nito sa training at workout.
Ilang oras pa lamang ang nakalilipas matapos ang 105-91 panalo ng Barangay Ginebra sa Meralco noong Linggo, agad na tumulak sa gym si Thompson.
Kasama nito ang katropang si Aljon Mariano.
Tuloy ang workout nina Thompson at Mariano sa gym kung saan nasilayan pa ang dalawa na nagbubuhat ng weights.
Sinamantala nina Thompson at Mariano ang pagwo-workout sa gabi dahil bihira ang mga players na nagtutungo sa gym ng mga ganung oras.
Solong-solo nina Thompson at Mariano ang gym kaya’t mas lalong naging inspirado ang dalawa.
Sa kanilang sakripisyo, umaasa sina Thompson at Mariano na magreresulta ito sa magandang laro para tulungan ang Gin Kings sa kampanya nito sa Philippine Cup.