MANILA, Philippines — Hinablot ni Woman Grandmaster (WGM) Janelle Mae Frayna ang titulo ng katatapos na 1st Women’s Online Bullet Chess Championships.
Kumolekta si Frayna, tubong Legaspi City, Albay, ng 80 arena points para makopo ang korona sa torneong ginamit ang chess application na “lichess” at ilista sa kanyang chess achievements sa one-day online chess tournament.
Si Frayna ay dating top player ng UAAP chess champions na Far Eastern University chess team at kasalukuyang pambato ng multi-titled Philippine Army chess team.
Pumangalawa naman si Woman Fide Master (WFM) Cherry Ann Mejia sa kanyang 67 arena points kasunod si Maria Euane Jesa Singson na may 64 arena points.
Kabilang sa mga nakapasok sa top 10 ay sina 4th WNM Karen Enriquez (61 arena points), 5th Virgenie Ruaya (59 arena points) at 6th Jessa Mae Lisondra (58 arena points).